كتابه محتوى ابداعى..نفسي...تحفيزى

✍️ الجزء 2:
لما حاولت اتكلم....
محدش صدقنى
بعد كده…
الناس ما بقتش مصدقة
شايفيني سيئة
وإني بنكّد على نفسي
والحقيقة إن…
كان جوايا مشاعر كتير مكبوتة
ما كنتش بعرف أعبّر عنها
فخرجت بالشكل ده…
وبعد شوية
بدأت أتكلم
وأشرح اللي جوايا
بس…
محدش صدق
من كتر ما كانوا شايفيني مبسوطة
افتكروا إني بألف
وهنا…
اتصدمت
إزاي محدش مصدقني؟
إزاي الكل مكذبني؟
وكأني بقول حاجة غريبة…
وفي الوقت ده
فقدت الشغف تمامًا
ما بقيتش أستمتع بأي حاجة
حتى الحاجات البسيطة
اللي كانت معيشاني
ما بقيتش تأثر فيا
وساعتها…
كان قدامي اختيارين:
أستسلم
أو التغلب عالاكتئاب
بس أنا…
ما بعرفش أستسلم
ودائما ارادتى كانت أقوى مما اتخيل
فقررت أعمل حاجة تالتة خالص…
قررت
أصاحب الاكتئاب 👌🏻
ولأول مرة…
حسيت إني مرتاحة شوية
بدأت بهدوء
مش بالغصب
أتقبل الوجع اللي جوايا
بدل ما أعاند معاه
بدأت أفهم نفسي
استغنيت عن كل حاجة بتزعجني
وبطلت أكون مثالية
أنا مش كاملة
أنا بشر
طبيعي أتألم
طبيعي أصرخ
وطبيعي أضعف
وده…
اللي مكنتش فاهماه
وبس كده
دي كانت قصتي مع الاكتئاب…
ومازلت…..
بدور عالطوق النجاة 💚
#bobaia