كتابه محتوى ابداعى..نفسي ... تحفيزي

زمان زمان أوي
كنت مبسوطة
بضحك عالطول
كنت بضحك كتير
وفي كل الأوقات
ما كنتش بعيط
أو ده اللي كان دايمًا شايفينه الناس…
وكانوا دايمًا بيسألوني:
أنتِ ما بتعيطيش؟
طب إزاي مبسوطة كده؟
أنتِ ليه بتضحكي جامد كده؟
بس الحقيقة…
أنا كنت بعاني من اكتئاب مزمن
ولما كنت ببقى لوحدي
كنت بعيط كتير… وبحرقة
محدش كان شايف ده
أنا كنت بحاول أحارب الاكتئاب
بالضحك
كنت بضحك وابتسم دايمًا
عشان أبعد عنه
في المرحلة دي
كنت عنيدة مع الاكتئاب
مكنتش فاهمة
ومكنتش عايزة أفهم
كل الحكاية
إني مكنتش عايزة أكتئب
وبعد سنين…
بدأت طاقتي تنفد
ووصلت لمرحلة مش حلوة
ما بقيتش أعرف أضحك
وبدأت أعيط كتير
لحد ما وصلت لمرحلة الانهيار…
الناس ساعتها…
ما بقتش شايفة نفس البنت اللي كانت بتضحك
يتبع…
#bobaia